بتقول لمين // بقلم الشاعرة // صفاء عبد ربه
- بتقول لمين
- ************
- بتقول لمين
- وأنا قلبي كله آلام
- بتقتل الأحلام
- ومهما شوفت م الدنيا
- هافضل ناقصني علام
- بتقول لمين
- فضلت السكوت
- وخِرس الكلام
- ودفنت نفسي
- وسط دايره الاحزان
- قتلت أحلامي
- وماعادلي فيها أمال
- بتقول لمين
- وأنا قلبي كما العصفور
- مايتحمل
- بسرعه يفرح
- وبسرعه يثور
- تهمله يموت مقهور
- بتقول لمين
- وسهم الهوي جارح
- والعهد إللي خنته
- لسه كان إمبارح
- بتقول لمين وتعيد لمين
- وأنا قلبي لسه حزين
- لا يوم إتنصف
- ولا حد قاله آمين
- بتقول لمين
- وأنا طاير بحلق فوق
- بجناحي برقص
- من ألام الشوق
- وإن وقفت
- انزف وأنا مخنوق
- بتقول لمين
- وانا قلبي لسه حزين
- لا طبيب داواه
- ولا عهد الهوي هناه
- ومانسي الغدر
- ولا تناسي آساه
- بتقول لمين
- وانا مدفون في دايرة الاوهام
- مستسلم
- واقول زيدوني كمان
- نسيت دنيتي
- ونسيت معاها أحلامي
- لا حد صدقني
- ولا مره خدوا بكلامي
- ونسيت معاها الأمان
- بتقول لمين
- يازارع بذور الشوك
- الورد مات
- وماعاد غير طريق مسدود
- بتقول لمين
- وأنا عاشق وهم رسمته زمان
- لا كملته ولا نكست له الأقلام
- بتقول لمين
- صفاء عبد ربه
ليست هناك تعليقات:
إرسال تعليق