ضمير في غيبوبة ,,,,, بقلم الشاعر .,,,,, صبرى عباره
- ضمير في غيبوبة
- ورا كل باب بسمة مقتولة
- ضحكة ماتت وبيت اتخرب
- ٱهه طالعه من بين الضلوع
- مين حاسس بطوفان الغضب
- دموع فرشت الأنين فدادين
- أكل منها كل حزين وشرب
- صرخة جريح حاسس بقهر
- من فاته فى محنته وهرب
- خيبة أمل راكبة كل الجمال
- لا كسوف ولاخجل أو نصب
- عايشين في ملكوت غريب
- مات فيه الحلم والحق انضرب
- وعيون عاميه من سنين
- هويه من سراب وإسم انشطب
- لا بالحق ٱمنوا فى يوم
- ولا الدم وحرمته إتحسب
- نامت الضمائر من زمن
- وصدور ضلمه كأنها طرب
- هوا دا حالنا من سنين طوال
- ولأعداءنا دا عز الطلب
- وبجد وبكل الأسف والخجل
- لعنة الله علينا نحن العرب
- دم الشهدا فى رقابنا
- وصبرا جميلا حبيبتنا حلب
- صبرى عباره
ليست هناك تعليقات:
إرسال تعليق