## && ضمينا. &&## بقلم/ الشاعر ايهاب الزيات
- ## && ضمينا. &&##
- لملمينا يا شمس الحنين ماتخدعينا
- لملمي جراح السنين بين ايدينا
- نوري نبض الحزين وفرحينا
- وكفايه مشقه وتعذبينا
- وصرخه الوجع جوه القلوب بتظلمينا
- ليه يا دنيا انتي كده حيرتينا
- و الفرح لما يقرب تخدعينا
- والحلم سراب وكنتي بتوهمينا
- فهمينا. ليه الاسيه فهمينا
- علي المحبه وتغوينا
- وترحل الموده وتخنقينا
- ومع اول كلمه تبيعينا
- انتي بتفرحي بدموع عينينا
- سرقتي الورد من خدينا
- وحبستي النسيم مايعدي علينا
- سعات تلملمي الجرح ونفتكرك بدوينا
- اتريكي بتسني سنانك وتقطعينا
- خلينا في الجرح ومتعشمينا
- تطبطبي وترجعي تصدمينا
- فرقينا بقي فرقينا
- مش هننكسر ونلم خيوط الحزن بأيدينا
- مش هنعيش بسراديب وهمك وضمينا
- خلاص اتعودنا ومفيش شيئ هيخلينا
- نطاطي او نبعد عن بعضينا
- وبطلي حكمك فينا وانسينا
- وهتيجي شمس بكره تشفينا
- تلملم شرخ الماضي وتسقينا
- كاس الفرح وتنور ليالينا
- ونغني ونلحن علي شععها لملمينا
- وبالاماني دوبينا
- وباقي عمرنا اسعدينا
- كفايه كده قرفتينا
- سكن الوجع جوه قلوبنا وغرقتينا
- بكره بسفينه شرعها الامل ترسينا
- علي شط للامان وتمسح عنينا
- مش هنسلم تاني انك تحرمينا
- وندوس عليكي تحت رجلينا
- وفي التراب ندفنك يا تدفنينا
- لملمي وطبطبي وفي حضنك وضمينا
- لتصبحي مش هتلاقينا
- بقلم/ الشاعر ايهاب الزيات
ليست هناك تعليقات:
إرسال تعليق