.....مصــــــر محبوبتى ... خاطرة عامية :// بقلم الشاعر // على عوض عطية
- ................مصــــــر محبوبتى ..............
- مهما تلف كتير بلاد ....مش راح تلاقى زى مصر واهلها
- الغياب عنها مش معتاد ...دايما تكون متشوق لها
- وقبل ما تقابل الولاد ...توطى تبوس راسها وارضها
- ام الدنيا من قبل الميلاد ...فى العالم مافيه ابدا زيها
- اجدادتا كانوا كتير شداد ...حفروا على الصخر مجدها
- تعال يلا ولم الولاد ...نحكى عن حضارتها وعزها
- شابة عمرها سبعة الاف ...ياجمال نظامها وفنها
- شوف مينا وحد التاجين ..خلاها قوة والدهشة حولها
- والا احمس حرر البلاد ...وطرد الهكسوس من ارضها
- شوف رمسيس والا تحتمس ..اباطرة ترهب خصمها
- حتى ملكاتها الرائعات ...تتعب كتير من عدها
- هتقولى ده كلام معتاد ..لكن احساسى عالى بفخرها
- اتربى فيها موسى ...ودعاها لتوحيد ربها
- ومشى فيها المسيح وامه ...وورد فى القران ذكرها
- وفى الاسلام كانت حماية ...وهات هولاكو يعتذر لها
- وناسها بتضحك باجتهاد ...وفى عز ازمة حزنها
- عمرك ما تشعر باضطهاد ...مسيحى ومسلم اهلها
- مصر رمانة الميزان ...والكل يتجمع حولها
- وشوقى قالها والله زمان : لو كنت فى الجنة اعتياد ..
- .نازعتنى نفسى ف حبها
- ومصطفى كان فيه العناد :قال لو ما كنت مصرى
- لتمنيت اكون من اهلها
- خاطرة عامية : على عوض عطية
ليست هناك تعليقات:
إرسال تعليق