زغزغها ==== بقلم الشاعر ===== أحمد النجدى
- زغزغها
- .........
- زغزغها تضحك ليك
- وانكشها تجرى عليك
- هات طاوله وألعب دور
- واضحك هتفرح بيك
- لقمه وطبق كوسه
- حاجه تستاهل بوسه
- وايام وهتعدى
- و هى ماشيه بالكوسه
- ماتقولش قل الخير
- لسه ف بلدنا كتير
- حبة عسل وخضار
- ولا اجدع م السفير
- على ايه بقه تكشر
- هات برتقال قشر
- وان زعلك ظالم
- كبر ماتتاثر
- طول ماالامل فينا
- تسعدنا ليالينا
- ومادام زمن قاسى
- مانشمتوش فينا
- وايام وتتقضى
- قوم صلى واتوضا
- ربك عالم بينا
- صد الشيطان صده
- لو راح تاكل تمره
- حوش وروح عمره
- عند المقام صلى
- وادعيلنا بالمره
- ............
- الشاعر أحمد النجدى
ليست هناك تعليقات:
إرسال تعليق