حبي ليكي ==== بقلم الشاعر ===== نسيم الزراع
- حبي ليكي
- حبي ليكي شيئ بديهي
- مالوش بديل
- من بداية خلق روحي
- وانتي روحي
- جوا مني طيف جميل
- كل دقه جوا قلبي
- بتناديكي
- أيوه عارفه اسمك انتي
- وانها مخلوقه ليكي
- تحضن الأحلام بقربك
- كونها يبدأ من عنيكي
- ياحبببتي أنا قلبي حبك
- أيوه حب الدنيا فيكي
- عارفه طيب لما احبك
- يحصل إيه
- هفرش الأزهار ف دربك
- يمشي قلبي بشوق عليه
- يقطف الأشواق برقه
- يعقد النبضات بدقه
- من حنينه دقه دقه
- أيوه يعملهم بوكيه
- صورتك انتي جوا منه
- وقلبي فيه
- أحضني الوردات ياعمري
- أيوه قلبي جوا منها أحضنيه
- شوفتي قلبي لما حبك
- أيوه حبك حس إيه
- حس إنه طير بيمرح
- بين روابي الشوق بيسرح
- جوا حضنك عش دافي
- كل ليله يعود إليه
- إفرشي الأحضان محبه
- حني قلبك بالموده
- أي دمعه ف عيني شارده
- تبقي ورده أيوه ورده
- تشيل ملامحك
- ترسم الاحلام ف كونك
- تبتسم لحظات جنونك
- دهشة الفرحه ف عيونك
- هي حبي
- بين رموشك أحضنيه
- افتحي النبضات لحبي
- مين ف قلبي غيرك إنتي
- ليه تغيري ياحبيبتي
- دا انتي قلبي
- واللي منه واللي فيه
- شوفتي قلبي لما حبك
- النهارده جراله إيه
- قلبي كان ف ضلوعي ساكن
- غبت أدور ف الأماكن
- صدقيني مش لاقيه
- هو فيكي جوا منك
- وانتي كلك جوا فيه
- هلي بالأشواق وسمي
- واحضني النبضات ف دمي
- وابقي دايما أيوه سمي
- وانتي جايه تحضنيه
ليست هناك تعليقات:
إرسال تعليق