☕☕🍨. سكر. مر ☕🍺☕ ****** كتبها لكم الشاعر _ابراهيم_دعبس *********
- ☕☕🍨. سكر. مر ☕🍺☕
- مبقاش السكر بيحلي فنجان الشاي
- ومعودتش احلم ببهية والفجر الجاي
- والحلم الوردي ال حلمته اتحول شوك
- و أنا اللي ب أيدي ركبته أول تروماي
- السكر مر ليه ف حلقي والريق مسموم
- وبرغم الاءة ال ف بوقي بقول معلوم
- بابا نويل ليه زارني بكيسه المخروم
- يا ريته قال متعشمشي واصلا مش جاي
- بنبش ف الحيطة بدرا خبيني يا حيط
- و بخاف للغولة تتوصل لبداية الخيط
- دا حتي حروفي بكتبها اسلم شخابيط
- ولسة قايلها للبسمة تمانين باي باي
- بقدي ايامي وبتعدي باردة الاسابيع
- بخبي نفسي ف الزحمة او اي قطيع
- شتايا ماله ليه طول وخاصمني ربيع
- يكونش( مارس ) أعلنها انه مش جاي
- #الشاعر_ابراهيم_دعبس
ليست هناك تعليقات:
إرسال تعليق