.قاسية عليا....************* كتبها لكم الشاعر // للشاعر رمضان البربري ********
- ..قاسية عليا....للشاعر رمضان البربري
- علمتيني الصبر في غنوة
- لما قلبي داب وانشق
- علمتيني أقول الحكمة
- علمتيني معاها أنزق
- وبقيت لك زي الصياد
- رزقي تملي هو الحق
- أطير لك زي المنطاد
- واقع ومقلكيش لاء
- قاسية عليا قاسية بقوة
- وحارقة قلبي كتير حرق
- كل دموعي باتت جوة
- حتي نهاري داب واغمق
- أبص لحالي وحال ولدي
- تملكني حالة أقولك لاء
- فيكي كام مليون فاسد
- دول محتاجين الشنق
- إنتي إية يا بنت الإية
- والله ملكيش حق
- هينتي فيكي الولد لية
- هينتية بدون وجة حق
- ولما نطلب منك مدد
- تخنقي فينا خنق
- كأننا أعداء البلد
- وبتغرقي فينا غرق
- ماسكة فاسك ليل نهار
- وبتعزقي فينا عزق
- كأننا فيكي للدمار
- ونازله فينا كتير شق
- مكسورين مجروحين
- وبتلزقي فينا لزق
- عايشين ومش متهنين
- بقلوب ماليها الدق
ليست هناك تعليقات:
إرسال تعليق