مش محتاج ******* كتبها لكم الشاعر محمد عبدالمنصف *********
- مش محتاج
- *********
- مش محتاج بعنيا أشوفك
- صورتك ساكنة ف نبض القلب
- وإن ماسمعتش نبرة صوتك
- هأتخيل كروان عن قرب
- عمر البعد ما فرق بينى
- وبين أحساسى معاك بالحب
- إبعد وأقسى وحاول تنسى
- ودارى شعاعك شرق وغرب
- طيفك يكفى ف ظلمة ليلى
- ويخفف فى البعد الكرب
- مش محتاج
- ***********
- مش محتاج لشعاع الشمس.
- طول ما غرامك بيدفينى
- أيوه الحضن ساعات واللمس
- غذا للروح يا للى ناسينى
- بس أنا روحى سايبها معاك
- طول ما البعد حارمنى لقاك
- حتى لروحى مش هاحتاج
- مش محتاج
- ***********
- لسه ربيع القلب مجاش
- أيوه ف بعدك مأتهناش
- بس سنين العمر بتجرى
- والشوق ناره ما بتهداش
- مش محتاج أوصف إحساسى
- وإزاى ليل ونهارى بأقاسى
- وانت حبيبى طبعك قاسى
- مش محتاج
- ************
- محمد عبد المنصف
ماشاءالله كلها إحساس وكلامها يمس القلب
ردحذفماشاءالله كلها إحساس وكلامها يمس القلب
ردحذف